ՌԼԴԿ-ի առաջնորդ Վլադիմիր Ժիրինովսկին «Սոլովյով Live» յութուբյան ծրագրի եթերում մեկնաբանել է Բելառուսում, Մոլդովայում եւ Պակիստանում Ադրբեջանի նախկին դեսպան Իսֆանդիար Վագաբզադեի սկանդալային հայտարարությունը, ով Ժիրինովսկուն եւ ռուս ժողովրդին խոզեր էր անվանել:
Քաղաքական գործչի խոսքով՝ ինքը դա անպատիժ չի թողնի, փոխանցում է «Գազետա»-ն:
«Մենք կոշտ նամակ կուղղենք Ադրբեջանի Հանրապետության ղեկավարին՝ քրեական գործ հարուցելու պահանջով: Այդ վիրավորանքը հրեշավոր է: Սա միջնադար է»,- ասել է Լիբերալ-դեմոկրատական կուսակցության առաջնորդը:
Հաղորդման հաղորդավար Վլադիմիր Սոլովյովն իր հերթին նշել է, որ ադրբեջանցի դիվանագետը «խոսել է հոդվածի մասին»՝ հավելելով, որ մեկնաբանություններ է ակնկալում Ադրբեջանի պաշտոնյաներից:
Ավելի վաղ Ադրբեջանի նախկին արտակարգ եւ լիազոր դեսպան, բանասիրական գիտությունների դոկտոր եւ պրոֆեսոր Իսֆանդիար Վագաբզադեն դիմել էր Ռուսաստանի Լիբերալ -դեմոկրատական կուսակցության ղեկավար Վլադիմիր Ժիրինովսկուն, ով ասել էր, որ հանրապետությունում տիրում բռնապետություն է տիրում, իսկ դրա տարածքը ժամանակին ռուսական կայսրությունը նվիրել է իրանցի շահը: Իր ուղերձում դիվանագետն իրեն կոշտ արտահայտություն էր թույլ տվել՝ Ժիրինովսկուն եւ ռուս ժողովրդին «խոզեր» անվանելով:
